Category: Tíðindi

3. apríl kl. 19.30 er aðalfundur á Svangaskarði.

Ein nevndarlimur skal veljast.

Kaka, kaffi og te verður eisini at fáa.

Starvsnevndin

Leygardagin komandi, byrjar kappingin hjá Dreingjum U15. Innleiðandi eru tað tríggir bólkar; A, B og C. B68 er í bólki C, har mótstøðuliðini eru AB a, B36 b og TB/FCS/Royn. Vinnarin av bólkinum, skal spæla heima og úti ímóti vinnaranum av bólki B, har liðini eru B71, FC Hoyvík a, Skála og ÍF. Vinnarin av hesum báðum dystunum flytur síðuna upp í A bólkin har liðini eru HB a, KÍ a, B36 a, Víkingur a, NSÍ a, EB/Streymur og 07 Vestur. Tey liðini sum eru eftir, koma síðani at leika í einum bólki fyri seg.

Sambært úrslitunum hjá U13 og U15 í fjør, har serliga dentur er lagdur á U13, eru B68 styrkismettir, sum nr. 9, har 7 tey ovastu liðini beinleiðis eru at finna í A bólkinum. B68 eru tí at finna í C bólkin innleiðandi, men hava sum kunnugt møguleika at spæla seg upp í A bólkin.

Fyrsti dysturin hjá B68 verður leiktur á Svangaskarði leygardagin kl. 13.00, har mótstøðuliðið er AB. Venjari hjá U15 dreingjunum hjá B68, er senegalesin Badara Diedhiou, sum í 2008 og 2009 leikti við B68, og sum nú aftur er búsitandi á Toftum.

Her frá ynskja vit U15 dreingjunum og tað sama Badara góðu eydnu við kappingini.

Koyr á B68

So fara vit at gera klárt til fótbóltsárið 2019.

Hósdagin 21. februar,  kl. 16.00 – 20.00 verður luttøkudagurin í B68 húsinum, her kunnu øll (U7 – U21), ið ætla sær at sparka í ár, koma og
gjalda luttøkugjaldið. Tá luttøkugjaldið er goldið, fær hvør leikari eitt sett av spæliklæðum til ognar, har navn og nummar verða prentað á.

Hendan dagin er møguleiki at passa klæðini, so øll fáa røttu støddina.

Tá klæðini er komin og prentaði, verða tey koyrd út. 

Fyrst og fremst skal tað vera stuttligt at koma til venjing á Svangaskariði, og fótbólturin hjá teimum ungu er fyri øll.

Luttøkugjald fyri árið 2019 er:

Barn nr. 1 – kr. 600
Barn nr. 2 – kr. 500
Barn nr. 3 – kr. 400
Barn nr. 4 – Ókeypis

16. februar er HKcare innandurakappingin á skránni í høllini í Tofta skúla, ið ungdómsdeildin hjá B68 og HKcare skipar fyri.

Allar tíðirnar kunnu síggjast á pdf´inum niðanfyri.

Mikukvøldið 27. marts kl. 19.30 er nevndarfundur á skránni.

Ein nevndarlimur skal veljast.

Kaka, kaffi og te verður eisini at fáa.

Starvsnevndin

B68 hava fingi nýggjar samskiparar, og talan er um Sigrun Johannesen og Fróða Johannesen.

Teirra e-mail adressur er:

Sigrun: sj@b68.fo
Fróði: fj@b68.fo

Vit vilja samtíðis takka Mariu Joensen fyri stórarbeiði hon gjørdi í fjør.

Fríggjakvøldið 8. mars kl. 19.00

Fjepparafelagið Reyði Pantarin skipar fyri damuborðhaldi á Svangaskarði á altjóða kvinnudegnum, 8. mars.

Lagt upp er til eitt hugnaligt og stuttligt kvøld, har damur í øllum aldri kunnu hugna sær saman.

Skráin:

• Vælkomudrykkur
• kalt borð
• dessert
• Sangframførslur frá Victoriu á Lakjuni & Fróða Bjarnason
• Sigrun Johannesen, stylistur og eigari av Insito greiðir frá vármótanum 2019 v.m.
• Hjørdis Nesá, hárfríðkanarkvinnar greiðir frá hármótanum 2019 v.m.
• Shaila Dam Jacobsen, make-up artistur greiðir frá um make-up og litir
• Klumma frá Ceciliu Jacobsen
• Sølubásar

Teknað teg við at senda eini SMS-boð á tlf.: 26 22 77 seinast mikudagin 6. mars.

Atgongumerkið verður goldið við dyrnar, og kostar 200 kr. Atgongumerkið er samstundis ein lutaseðil.

Fjepparafelagið Reyði Pantarin

B68 byrja á heimavølli ímóti teimu næstbestu hjá B36, ið eru ein av uppflytarunum frá 2.deild, og enda á heimavølli ímóti KÍ ið endaði nr. 3 seinasta kappingarár, við sama stigatalið sum B68, men við beturi málúrstøku.
Annars kann sigast at vit hava 14 heimadystir í ár.

09.03.19 – B68 – B36
16.03.19 – HB – B68
30.03.19 – 07 VESTUR – B68
06.04.19 – B68 – SKÁLA
13.04.19 – B68 – EB/STREYMUR
20.04.19 – NSÍ – B68
27.04.19 – B71 – B68
04.05.19 – B68 – VÍKINGUR
11.05.19 – B68 – KÍ
18.05.19 – SKÁLA – B68
25.05.19 – VÍKINGUR – B68
01.06.19 – B68 – HB
15.06.19 – B36 – B68
22.06.19 – B68 – B71
29.06.19 – B68 – 07 VESTUR
26.07.19 – EB/STREYMUR – B68
03.08.19 – B68 – NSÍ
10.08.19 – HB – B68
17.08.19 – B68 – SKÁLA
24.08.19 – KÍ – B68
30.08.19 – 07 VESTUR – B68
13.09.19 – B68 – B36
21.09.19 – B68 – VÍKINGUR
28.09.19 – NSÍ – B68
04.10.19 – B68 – EB/STREYMUR
20.10.19 – B71 – B68
25.10.19 – B68 – KÍ