Category: Tíðindi

Vit eru sera glað at kunna um at Jákup á Borg heldur á sum venjari hjá B68.
Talan er um ein 3 ára sáttmála.

Koyr á B68!

https://issuu.com/b68toftir/docs/b68_leikskra_2_2022.pptx

Semja er um, at staðsetingin av stórhøllini, sum skal hava pláss fyri 4000 áskoðarum, verður á innara Toftavatni, sum skal tømast, fyllast upp við gróti og planerast til endamálið

Frá kappingarárinum í 2023 at rokna verða grannarnir og arvafíggindarnir, B68 og NSÍ, eitt og sama felag. Navnið á felagsliðnum í bestu deildini verður FF Golan, ið sipar til heyggjarnar ið eru miðskeiðis millum bygdirnar báðar.

Í fyrstu atløgu er ætlanin at hava ein yvirbygnað, har allar deildir hjá báðum feløgunum úr U13 og upp eftir verða við í FF Golan.

Málið hjá felagsliðnum er at hava eitt lokalt lið við spælarum á eystara armi á skálafjørðinum, sum í fyrsta lagi verður mannað við fólki úr báðum kommununum.

Nýggja felagið hevur sett sær sum mál verða í fremstu røð longu frá fyrsta degi, og tí er ætlanin at krydda bestu deildina hjá FF Golan longu í 2023 við fýra ella fimm toppspælarum á premierleauge-støði.

Fíggjarliga sterk feløg í økinum hava givið lyfti um, at tey vilja verða við til at bera keyp av toppleikarum til felagsliðið.

Bæði Runavíkar kommuna og Nes kommuna taka eisini undir við ætlanini at byggja eina risastóra innandura fótbóltshøll, sum fer at hava pláss fyri 4000 áskoðarum.

Kommunurnar eru samdar um, at staðsetingin av høllini verður á innara Toftavatni, sum skal tømast, fyllast upp við gróti og planerast til stórhøll.

Í báðum kommununum er semja um, at hetta er besta loysnin, tí tá liggur høllin í náttúruvøkrum umhvørvi, samstundis sum hon kemur at liggja miðskeiðis millum kommunurnar báðar.

Runavíkar kommuna og Nes kommuna hava játtað 6 miljónir krónur hvør um árið til rakstur av FF Golan tey fyrstu fimm árini eftir samanleggingina.

Semja er um, at fantastisku umstøðurnar, sum nýggja felagið fær við fótbóltshøllini saman við fíggjarligum styrki til keyp av nøkrum toppleikarum, eiga at gera, at FF Golan beinanvegin kann gerast ein maktfaktorur í føroyskum fótbólti.

Grannarnir og arvafíggindarnir, B68 og NSÍ, halda, at saman fer økið á eystara armi á Skálafjørðinum at standa so nógv sterkari.

Í báðum feløgunum eru nógvir góðir og evnaríkir leikarar, og við einum ísletti av góðskuspælarum uttanlands er málið, at FF Golan longu frá fyrsta degi skal verða á ovastu rók í føroyskum toppfótbólti.

Kunnandi fundur um samanleggingina, sum feløgini hava fingið í lag, verður í Løkshøll í kvøld klokkan 19, har umboð fyri feløgini og borgarstjórarnir í báðum kommununum verða við.

Tey ið hava týðandi viðurskiftið at bera fram áðrenn kunnandi fundin í kvøld, kunna støkka inn á kontórið hjá øðrum av kommununum og bera síni sjónarmið fram.

vegna,

B68
NSÍ
Nes Kommuna
Runavíkar Kommuna

Ársins fyrsta grannauppgerð, var við Løkin Leygardagin 19.03.2022

Í góðveðrinum hendan dagin, spældi B68 ein sera góðan dyst og vunnu 2-0 B68 hevur ikki vunnið í móti NSÍ í bestudeildini í 10 ár, so hetta var ein kærkomin sigur. Og góð byrjan uppá 60 ára veistluna, sum bleiv hildin sama kvøld á Svangaskarði.

B68 leygði eitt stórt trýst á NSÍ verjuna frá byrjan og skaptu B68 nógvar málkjansir í fyrra hálvleiki. Tó hevði Rói í málinum tvær meistarligar bjargingar í fyrra hálvleiki. B68 legði seg á odda tá umleið 15 minuttir vóru leiktir og var hetta eftir hornaspark. Bólturin bleiv skotin inn til nærmaru stong og har møtti Sebastian Lau Nielsen bóltinum fyrst og styrdi honum í málið. Hetta málið var meinlíkt 1-0 málinum ímóti Skála vikuna áðrenn. Sebastian er toppskorari í deildini.

B68 bleiv við, at skapa málmøguleikar og lá 2-0 máli líka, sum í luftini og fingu gyltan møguleika fyri tí, tá Stefan bleiv feldur í málteignum og dómarin var ivaleysur, tá hann dømdi straffi. Tíverri misnýtti, annars væl upplagdi Stefan brotsparki. Hann gjørdi tó skaðan góðan aftur við, at leggja B68 á odda 2-0 beint fyri hálvleik. hetta var eisini eftir hornaspark, har Dabo sendi bóltin inn fyri og við nærmara stólpa snittaði Sebastian bóltin og silgdi hann í millum vinir og fíggindar til Stefan rakti bóltin og skoraði sítt fyrsta mál í ár. Og var frøðin stór hjá B68 viðhaldsfólkunum. Reyði Pantarin vísti, at teir eru bestu áskoðarir í landinum.

Í seinna hálvleiki kom NSÍ til fleiri støður. Og var tann størsti kjansurin tá okkara Áki skallaði í móti egnum málið og Rói gjørdi eina meistarliga bjarging. Í móti dystar enda fekk NSÍ leikari beinleiðis reytt kort fyri eina heldur ov seina takling. B68 kom framm til nakrar støður og hevði Aleksandur tann besta møguleikan, men tíverri, so fór stútarin ikki í mál.

Eitt sera gott avrik frá okkara monnum.

Komandi dystur, sum verður heima í móti HB. Verður leygardagin 02.04.2022

Í fyrsta heimadysti og grannauppgerð í móti Skála bleiv tað javnleikur, 2-2. Liðini áttu hvør sín hálvleik, og iðraðu báðir partar seg um, at ikki fáa fulla úrtøku. Tríggir nýggir spælarar fingu sín fyrsta dyst fyri B68. Teir vóru Aidian Liu, DABO og Gilli Samuelsen. Teir fyrst nevndu eru ávíkavist úr USA og Senegal. Aidan er leigaður úr Vejle, sum spælir í donsku Superliga’ini. Gilli er komin úr B36. Í dystinum fyri viku síðani spældu eisini tríggir leikarir fyrstu ferð fyri besta liðið hjá B68. Tað vóru daninir Niels Jensen og Sebastian L. Nielsen og so okkara egni 16 ára gamli Hanus Højgaard. Vegna serligar umstøður hjá Róa M. Hentze, so kom ein gamal kenningur inn á besta liðið hjá B68 inn eftir hálvleik. Tað var Ragnar Lindholm, sum hevur nomið sær løgreglu útbúgving niðri tey seinastu árini.

B68 legði seg á odda eftir hornaspark. Tað var Sebastian Lau Nielsen, ið hegnisliga við hælinum fekk mál. Skála javnaði við langskoti. Undir øllum vanligum umstøðum hjá okkara málverja, so hevði hetta ikki verið mál. Heimaliðið fall ikki í fátt og legði Sebastian B68 á odda 2-1 við hansara triðja máli í ár og er javnur toppskorari í Betrideildini. Hetta málið var eisini gott. Trekti framvið fleiri inni í málteignum og smekkaði til – kanska eitt sindur óvæntað fyri Skála-málverjan. B68 var omaná í fyrra hálvleiki og høvdu fleiri góð álop. Uttan so at koma til veruligar kjansir. Ein góðkendur fyrri hálvleikur av okkara monnum.

Skála tók yvir í seinna hálvleiki og lá tað í luftini, at teir fóru at koma til góðar støður frammanfyri B68 málið. Teir fingu eitt mál kolldømt fyri rangstøðu, men eftir 84 minuttir fingu teir so útjavnandi málið. Og kundi teir eisini farið við øllum, tá teir brendu ein risa møguleika í yvirtíðini.

Nú komandi fríggjakvøld, 18. mars, verður aftur grannauppgerð. Hesaferð við Løkin í Runavík og hava vit aftur ein góðan kjans at fáa stig. Men tað krevur sjálvsagt, at vit spæla upp til okkara besta. í fjør vóru allar grannauppgerðinar ímóti NSÍ javnar, tó so NSÍ vann allar við einum máli.

Vinningur 1. 3529
Vinningur 2. 3072
Vinningur 3. 6678
Vinningur 4. 1536
Vinningur 5. 1815
Vinningur 6. 4734
Vinningur 7. 7238
Vinningur 8. 2439
Vinningur 9. 3915
Vinningur 10. 5178

alan er um áleyparan Steffan Abrahamsson Løkin.
Steffan er, hóast bert 21 ára gaman, m.a. skrásettur fyri 58 dystir í bestu deildini umframt 20 dystur á ungdómslandsliðið og 2 evropacup dystir.
Vit ynskja Steffan alt tað besta!
Koyr á B68